Thoughts…Words…

கலகத்தின் குரல்

Posted in Art by udoit on January 4, 2014

“ஈஸ்வர அல்லா தேரோ நாம்…” (பாடல்: ரகுபதி ராகவ ராஜாராம்) என்று பாடியதற்காக
கொல்லப்பட்ட காந்தி பிறந்து/வாழ்ந்து/மறைந்த இந்தியாவின் ஜெய்ப்பூரில்
பாகிஸ்தானின் லாகூர் இசை கலைஞர்களுடன் சுசீலா ராமன் கச்சேரியில் பாடிய பாடலை கேட்ட
பின் என்னுள் எழுந்த உணர்வுகளின் பதிவு.

சுமார் பத்து வருடங்களுக்கு முன்னர் ஆனந்த விகடனில்  “Salt Rain” பாடலினை பற்றிய செய்தி கட்டுரை முலமாக சுசீலா ராமன் எனக்கு அறிமுகமானார். Salt Rain ஒரு இனிமையான மெல்லிய சோகம் (melodious melancholy) இழையோடும் பாடல். அன்றிலிருந்து எனக்கு தோணும் பொழுதெல்லாம் சுசீலா ராமன் பாடல்களை youtubeல் கேட்பதுண்டு. சமீபத்தில் அவருடைய “வேல்”(Vel) பாடல் தொகுப்பினை கேட்டு உன்மத்தநிலையை அடைந்தேன். அதற்கு, சுசீலா ராமனின் பாடல்கள் என்னுள்ளே (நம்முள்ளே) உள்ள உணர்வுகளை/அனுபவங்களை வெளிக்கொண்டு வருவது தான் காரணம். தஞ்சை/திருச்சி பகுதிகளில் வளர்ந்த என்னுள்ளே காந்திய சிந்தனைகளும், இஸ்லாமிய பக்திப்பாடல்களும் அவற்றின் மெட்டிலமைந்த திராவிட கட்சிகளின் பிரசாரப்பாடல்களும், தமிழ் பக்திப்பாடல்களும் படிமங்களாக இருக்கிறது, அவற்றை “வேல்” பாடல்கள் தட்டியெழுப்புகிறது.

An Indian Journey என்ற பேட்டியில், அவர் தன்னுடைய இசை பெற்றோருடான புலம்பெயர் வாழ்க்கை  ஏற்படுத்திய நான் யார் என்ற குழப்பத்தினால் உண்டான கோபத்தின் வெளிப்பாடு என்கிறார். இன்றைய உலகமயமாக்க சூழலில் இப்படியானதொரு (இசை) முயற்சி மிகவும் இன்றியமையாதது. சுசீலா ராமனும், அவரை போன்று மக்களிடையே உள்ள வெறுப்பு/பகை/வன்மம் ஆகியவற்றை கலைத்து நாம் எல்லாரும் ஒன்றே என்ற எண்ணத்தை கலையினால் உருவாக்க முயற்சிப்பவர்கள் எல்லோரும் பெருவெற்றி பெறவேண்டும்.

Related Links:

http://www.youtube.com/watch?v=S_849lVhAks <- ஜெய்ப்பூர் கச்சேரி

http://www.youtube.com/watch?v=2dq1hcvP0lw <- (லண்டன் கச்சேரி, Queen Elizabeth Hall on April 16th, 2O12)

http://www.youtube.com/watch?v=iSselNEL5dw <- கச்சேரி (இடம் தெரியாது)

http://www.mkgandhi.org/articles/gstillmatters.htm <- Why Gandhi Still Matters

http://www.youtube.com/watch?v=cP35Nx_NYYs <- சுசீலா ராமன் பேட்டி

Advertisements